Sunday, June 09, 2019

دليلك لاجتياز اختبار اللغة OET




بقلم : Rahem Yassin


الحمدلله عديت OET من اول محاولة ب 4B
انا هحط هنا تجرتي كاملة وهحط تجميعة الماتيريال المهمة وخطة ممكن كل اللي تايه يمشي عليها
الداتا من رفع اعضاء مختلفين مثل دكتور مختار وغيره وانا مجرد جمعتهم ف كل الشكر ليهم طبعا وجزاهم الله الف خير
.............................
أولا : حاجة بس عاوز اقولها لاي حد خايف يخش او مقلق
انا قررت اخد الOET و حجزت امتحان نوفمبر يوم 10 اكتوبر , ده يوم الDeadline يعني مفيش حد ممكن يقرر يخش ويحجز متأخر عن كده وكان قدامي بالظبط 22 يوم ,, وياريتني كنت فاضي اذاكر , انا في سادسة طب وامتحان الفاينل الباطنة بتاعي كان يوم 6 نوفمبر يعني بعد امتحان الOET ب يومين بس ,, طبعا كلكم عارفين وشوفتوا وعيشتوا تجربة امتحان الباطنة فمش محتاج اوصفها 😃
فأنا فعليا كنت بذاكر ساعة او اتنين في اليوم بس ,, خليني اقولك اهم حاجة تكون عندك الشغف وحب الطريق اللي انت ماشي فيه ,, انت ماشي في الطريق ده بمزاجك محدش جبرك فلازم تختار الطريق اللي بتحبه , يعني انا لما كنت بتعب من مذاكر الباطنة كنت بروح اذاكر OET ,, صدقني لو انت حابب الطريق وعندك شفف هتبقى ده اكتر تجربة ممتعة هتعملها ف توكل على الله وخش
...........................
بخصوص الداتا الاول لان مش كل الداتا عشان الامتحان الجديد وحتى بعض الداتا اللي بيدعوا انها للنسخة الجديدة للاسف ضعيفة فلازم تاخد بالك من مصدر الماتيريال دلوقتي فيه 3 مصادر بس من غير اي لخبطة بالترتيب كده في اللينكات
1- Official Material From OET
2- E2
3- OET Online
.....................................................................................
1- Official Material
....
خمس امتحانات من الموقع الرسمي ( مهم جدا )
2 Sample tests , 3 Practice test
خمس امتحانات كاملة بس اختلاف مسميات مش اكتر
http://www.mediafire.com/file/jrmid4g0dxuokrz/OET_2.0.rar
خلي بالك من التسجيلات هتجبها من هنا
التسجيلات لل Sample tests من اللينك ده

وهتجيب التسجيلات لل Practice Tests من اللينك ده

......................................................................................
2- E2
....
خلصت حضرتك الامتحانات ده وعاوز تاني هيكون المصدر امتحانات الE2 ده الامتحانات اللي هتاخدها من عندهم لو اشتركت بفلوس في الباكدج بتاعهم وانا اتاكدت بنفسي من الامتحانات ده

3- OET Online
....
خلصت وعاوز تاني فيه ماتيريال لOET Online مشكور احد الدكاترة المحترمين رفعها لينا وده للListening w Reading

دول هيبقوا كافيين جدا عشان مش تلخبط نفسك ،، فيه داتا تاني لامتحانات بس اقل اهمية
...................................
بخصوص الكورسات بقى
اولا انا اخدت كورس مع دكتور Mokhtar Mohamed ، هي كانت حاجة لطيفة جدا عشان اولا الزمني بالوقت هو بيدي Writing w Speaking
ثانيا وده الاهم : فكرة لما تبدأ مع دكتور مصري زينا يقدمك للامتحان كده بيكسر عندك رهبته جامد وبيدخلك في المود بسرعة وبيختصرلك طرق كتير جدا وعملي اساس محترم جدا وانا بصراحة طلعت من عنده بجيب B في الاتنين
بس فيه معلومة مهمة ، فيه فيديوهات Jay بتاع E2 على اليوتيوب ، الفيديوهات ده حياة او موت في اي جزء من الاربعة ، مش لازم تسمع فيديوهات الازمنة والحاجات ده لو مستواك كويس في الانجلش وانا شخصيا مش سمعتها وخصوصا ان الاساسيات ده دكتور مختار بقولها في الكورس وبيدينا القواعد المهمة والكلمات والتعبيرات المهمة في فولدر هتخدم نفسك لو ذاكرته لكن فيه فيدوهات على كل جزء يعني مش عاوز اقولك مش هتعدي من غيرهم بس هتخليك فاهم الدنيا جدا جدا وكفاية اقول لحضرتك ان الناس ده هم اللي بيحطوا الماتيريال بتاعت التدريب لل OET نفسهم
الفيديوهات اسماءها كالتالي عشان مش تتلخبط
Writing : ثلاث فيديوهات
Oet Writing Step 1
OET Writing Step 2
OET Writing Step 3
Speaking : ٢ فيديو
OET 2.0 Speaking with Jay
OET : Speaking Dealing with Difficult patients
وده لينك القناة بتاعتهم

ا.......................................
بخصوص الListening w Reading ما اخدتش اي كورس فيهم انما سمعت فيديوهات E2 وهي اسماءها سهلة هتلاقي ٣ فيديوهات لكل واحدة ومعمولة
Reading Part A, B, C ......... Listening Part A,B,C
انا سمعت فيدوهات الReading وحليت بعدها وجبت A من اول مرة الحمدلله
وسمعت فيديوهات Listening وحليت بعدها وجبت B وفضلت ادرب لحد لما وصلت ل A ,,, زي ما الناس بتقول Part C الاصعب في الاتنين بس بصراحة بالتدريب لان هو كله بالتدريب هتلاقيه سهل جدا المهم ماتحطش كلام سلبي في دماغك ويكون عندك شغف بالحاجة ده
................................
اخر حاجة بخصوص Speaking w Writing
انا كنت مفروض وصلت ل B مع دكتور مختار بس حبيت اوصل لل A عشان لو نزلت في الامتحان يبقى B ف قولت اشوف ناس من الPremium Preparation Provider ودول بيبقوا مكتوبين ومعتمدين في الموقع بتاع الOET ،، اول واحد كان ال E2 طبعا بس بصراحة اسعارهم كانت اوفر جدا ف رحت للي زيهم وهو OET Online اخدت تصحيح ٣ خطابات و Access للداتا ب ١٢٠ دولار وكورس Speaking عبارة عن ٣ مرات سكاي بي مع Professional Teacher كل مرة ساعة الا ربع بيدرب معاك زي مانت عاوز وبرضه داتا ب ٨٠ دولار ،، طبعا ده حاجة زيادة جدا و مش ضرورية بس انا وصلت معاهم لغاية A في الSpeaking وال Writing , الفكرة انهم بيدولك ثقة كبيرة جدا لما تلاقي نفسك بتتكلم وجها ل وجه مع حد Native Professional British Teacher مش بتبقي خلاص خايف وبيوجهك لحاجات اي واحد مش بياخد باله منها وبتعدي عليه عادي
................................
يوم الامتحان يوم مختلف عن اي يوم طبعا ,, اهم حاجة الهدوء والثقة في الله،، انا عمري ما خلصت تاسك بدري زي يوم الامتحان فمش تقلق لو بتخلص الReading او الWriting بالظبط لان في الامتحان الادرينالين بيعلي في السما وهتخلص وتراجع ان شاءالله ,, لو حسيت انك عكيت في اي جزء ارميه ورا ظهرك وركز في اللي بعده .. انا حسيت اني لخبطت الدنيا في Listening وكان اعلى درجة عندي و Writing كان خرافي وانا بكتبه وكان اقل درجة 🤣🤣 فاعمل اللي عليك ومش تفكر كتير
مش تفضل تقول Part كذا صعب انا اللي لخبطت فيه في Listening كان Part A واللي رفعلي النتيجة Part C اني جبته كله ,, اهم حاجة الهدوء فعلا واعرف ان كل حاجة مقدرة مسبقا وانت بس بتوري لربنا احسن ما فيك 🙂
........................................
لو مش عاوز تاخد اي كورسات لازم لازم حد يصححلك Writing عشان تعرف اي الصح من الخطأ، كمان التدريب مع حد فاهم Speaking لا غنى عنه اطلاقا
انا رحت لOET Online بعد دكتور مختار لانهم معتمدين من OET عكس ممكن اي مواقع تانية زي benchmark مثلا بس في الاخر اختار اللي يريحك نفسيا وماديا ايا ما اختارت صدقني في الاخر تقدر تجيب A مش B كمان
..........................................
اتمنى اكون غطيت كل حاجة واعذروني لو معرفتش ارد على استفسارات ولا حاجة عشان النهاردة كان عندي الجراحة ولسة مكمل شهر ونص امتحانات معاهم 😂